Psalms 77
1לַמְנַצֵּחַ עַֽל־ידיתון ▼▼
לְאָסָף מִזְמֽוֹר׃ 2 ▼ ידיתון
יְדוּתוּן
(Qere)
▼KJV:Ps.77.1
קוֹלִי אֶל־אֱלֹהִים וְאֶצְעָקָה קוֹלִי אֶל־אֱלֹהִים וְהַאֲזִין אֵלָֽי׃ 3 ▼▼KJV:Ps.77.2
בְּיוֹם צָרָתִי אֲדֹנָי דָּרָשְׁתִּי יָדִי ׀ לַיְלָה נִגְּרָה וְלֹא תָפוּג מֵאֲנָה הִנָּחֵם נַפְשִֽׁי׃ 4 ▼▼KJV:Ps.77.3
אֶזְכְּרָה אֱלֹהִים וְאֶֽהֱמָיָה אָשִׂיחָה ׀ וְתִתְעַטֵּף רוּחִי סֶֽלָה׃ 5 ▼▼KJV:Ps.77.4
אָחַזְתָּ שְׁמֻרוֹת עֵינָי נִפְעַמְתִּי וְלֹא אֲדַבֵּֽר׃ 6 ▼▼KJV:Ps.77.5
חִשַּׁבְתִּי יָמִים מִקֶּדֶם שְׁנוֹת עוֹלָמִֽים׃ 7 ▼▼KJV:Ps.77.6
אֶֽזְכְּרָה נְגִינָתִי בַּלָּיְלָה עִם־לְבָבִי אָשִׂיחָה וַיְחַפֵּשׂ רוּחִֽי׃ 8 ▼▼KJV:Ps.77.7
הַֽלְעוֹלָמִים יִזְנַח ׀ אֲדֹנָי וְלֹֽא־יֹסִיף לִרְצוֹת עֽוֹד׃ 9 ▼▼KJV:Ps.77.8
הֶאָפֵס לָנֶצַח חַסְדּוֹ גָּמַר אֹמֶר לְדֹר וָדֹֽר׃ 10 ▼▼KJV:Ps.77.9
הֲשָׁכַח חַנּוֹת אֵל אִם־קָפַץ בְּאַף רַחֲמָיו סֶֽלָה׃ 11 ▼▼KJV:Ps.77.10
וָאֹמַר חַלּוֹתִי הִיא שְׁנוֹת יְמִין עֶלְיֽוֹן׃ 12 ▼▼KJV:Ps.77.11
אזכיר ▼▼
מַֽעַלְלֵי־יָהּ כִּֽי־אֶזְכְּרָה מִקֶּדֶם פִּלְאֶֽךָ׃ 13 ▼ אזכיר
אֶזְכּוֹר
(Qere)
▼KJV:Ps.77.12
וְהָגִיתִי בְכָל־פָּעֳלֶךָ וּֽבַעֲלִילוֹתֶיךָ אָשִֽׂיחָה׃ 14 ▼▼KJV:Ps.77.13
אֱלֹהִים בַּקֹּדֶשׁ דַּרְכֶּךָ מִי־אֵל גָּדוֹל כֵּֽאלֹהִֽים׃ 15 ▼▼KJV:Ps.77.14
אַתָּה הָאֵל עֹשֵׂה פֶלֶא הוֹדַעְתָּ בָעַמִּים עֻזֶּֽךָ׃ 16 ▼▼KJV:Ps.77.15
גָּאַלְתָּ בִּזְרוֹעַ עַמֶּךָ בְּנֵי־יַעֲקֹב וְיוֹסֵף סֶֽלָה׃ 17 ▼▼KJV:Ps.77.16
רָאוּךָ מַּיִם ׀ אֱֽלֹהִים רָאוּךָ מַּיִם יָחִילוּ אַף יִרְגְּזוּ תְהֹמֽוֹת׃ 18 ▼▼KJV:Ps.77.17
זֹרְמוּ מַיִם ׀ עָבוֹת קוֹל ▼▼We read one or more accents in L differently than BHS. Often this notation indicates a typographical error in BHS.
נָתְנוּ שְׁחָקִים אַף־חֲצָצֶיךָ יִתְהַלָּֽכוּ׃ 19 ▼▼KJV:Ps.77.18
קוֹל רַעַמְךָ ׀ בַּגַּלְגַּל הֵאִירוּ בְרָקִים תֵּבֵל רָגְזָה וַתִּרְעַשׁ הָאָֽרֶץ׃ 20 ▼▼KJV:Ps.77.19
בַּיָּם דַּרְכֶּךָ ושביליך ▼▼
בְּמַיִם רַבִּים וְעִקְּבוֹתֶיךָ לֹא נֹדָֽעוּ׃ 21 ▼ ושביליך
וּֽשְׁבִֽילְךָ
(Qere)
▼KJV:Ps.77.20
נָחִיתָ כַצֹּאן עַמֶּךָ בְּֽיַד־מֹשֶׁה וְאַהֲרֹֽן׃
Copyright information for
OHB